- يارا محمد سليمان
- الزيارات: 214
المؤتمر الطلابي العلمى الثالث عشر لكلية الصيدلة
عايز تعرف أكتر عن المؤتمر الطلابي الثالث عشر لكلية الصيدلة؟ متحمس تشارك معانا بس محتاج شوية معلومات كمان؟
عندك بحث أو مشروع علمي وعايز تعرضهم قدام الدكاترة وزمايلك؟ عندك شغف بتخصص معين من الصيدلة وحابب تعرف عنه أكتر وتكتسب خبرة وأفكار جديدة من زملاء في المجال؟
المؤتمر الطلابي في كلية الصيدلة جامعة المنصورة في دورته الثالثة عشر هو فرصتك الذهبية
ليه المؤتمر الطلابي مهم ليك كطالب صيدلة؟
- كمشارك :
بيخليك تعرض أفكارك وأبحاثك قدام لجنة من الدكاترة والمتخصصين، وده بيزود خبرتك وثقتك بنفسك.
بتحضر ورش عمل مختلفة عن مواضيع متنوعة هيحاضر فيها خبراء متميزين.
بيديك فرصة إنك تتعلم من شغل زمايلك وتشوف أفكار جديدة أكيد تلهمك.
بيقوي شبكة علاقاتك الأكاديمية ويفتح لك أبواب لفرص تدريب أو شغل في المستقبل.
بيعلمك تتعامل صح مع النقد البناء وتطور شغلك.
بيضمنلك إن اسمك يتعرف وسط الطلبة والدكاترة في مجالك.
بيشجعك على الإبداع وحل المشكلات بطريقة علمية.
بيكسبك مهارات العرض والتواصل اللي هتفيدك طول حياتك المهنية.
بيخلي سيرتك الذاتية أقوى وأكتر تميز عن غيرك.
بيديك إحساس بالفخر إنك جزء من حدث علمي كبير بيجمع عقول مبدعة من دفعتك والدفعات التانية.
وكمان في جوايز لأفضل المشاركات
- كمشاهد (حضور فقط) :
بتتعرف على أفكار وأبحاث جديدة من زمايلك.
بتحضر ورش عمل مختلفة عن مواضيع متنوعة هيحاضر فيها خبراء متميزين.
بتتعلم طرق عرض مميزة وأساليب شرح مختلفة.
بتحصل على فرصة للتواصل مع طلبة من سنين ودُفَع تانية وأساتذة الكلية.
بتاخد حماس وإلهام إنك تشارك في المؤتمرات الجاية.
يلا مستني إيه؟ شارك، وكُن جزء من الحدث العلمي المميز ده
لمعلومات أكتر عن طريقة الاشتراك والمواعيد والطرق المختلفة للتقديم … انتظرونا في البوست اللي جاي