- يارا محمد سليمان
- الزيارات: 330
كل ماتريد معرفته حول المؤتمر الطلابى الثانى عشر
-تعرف ايه عن المؤتمر؟
المؤتمر الطلابى بدأ فى الكلية سنة ٢٠١٢ و اتعمل منه ١١ دورة ومتاح الاشتراك فيه لاى طالب من الكليات الطبية مش بس جامعة المنصورة لا ده كل جامعات مصر
لما اتعمل بالأساس عشان يدينا الفرصة كطلبة اننا مجرد نتعرف على أن فى مجال من المجالات المهمة واللى ممكن بعض مننا حابب يستمر فيها وهو البحث العلمى
انت قدامك حلين اما تشارك فى المؤتمر ببحث سواء كنت هتقدمه oral presentation أو على بوستر أو ممكن تحضر عادى تستمع وممكن تناقش وتسأل
-السنة دى المرة الكام للمؤتمر ؟
المرة ال١٢
-تعرف ازاى تشارك ؟
صفحة المؤتمر والتيم المسئول عن الدعاية له كل سنة قبل المؤتمر بفترة بينزلوا فورم تقديم تحدد فيه انت هتشترك لوحدك او في تيم ميزيدش عن ٥ افراد تقريبا بتحدد القسم اللى البحث بتاعك بيتكلم فيه سواء فارما او بايو او او وبتبعت الabstract بتاعه وبعد ما الدكاترة يشوفوا هو مناسب ولا لا ويتوافق عليه بتتبلغ بمعاد مناقشة الpresentation او الposter بتاعك كان السنين اللى فاتت بيكون في قاعات الكلية عندنا على يومين يوم بتتعرض فيه كل الابحاث واليوم التانى للى وصلوا للتصفيات بس ويعلنوا عن الفايز
من وقت الكورونا وهو بقى بيتعمل في الاجازة في شهر ٨ ودى فرصة حلوة انك تجهز نفسك
-هستفيد ايه لو شاركت بالمؤتمر ؟
اول حاجة انك بتكسر رهبة انك تتكلم وتشرح ادام دكاترة وتتناقش معاهم بعد ما تكون جربت بنفسك انك تدور على حاجة انت مهتم بيها وتتكلم عنها
تانى حاجة كون انك كسبت مركز في المؤتمر او مجرد حتى المشاركة فيه فدي تعتبر حاجة كبيرة ليك وتنفعك بعد كده لان جامعة المنصورة بتتبع نظام النقاط او الpoints وكل ما النقاط دى تكون اعلى كل ما فرص قبولك في الدبلومات او الخدمات المتعلقة بالجامعة تزيد
وكمان مجرد انك شاركت في مؤتمر مهم للطلاب زى ده هيكون اضافة كبيرة للCV بتاعك يزود فرصك للقبول سواء في شغل او في منح
بادر بالانضمام:-