المعيار السابع : المعايير الأكاديمية والبرامج
المعيار ده بيهتم إن الكلية تلتزم بالمعايير الأكاديمية المرجعية NARSاللي حددتها الهيئة القومية لضمان جودة التعليم والاعتماد (NAQAAE)للقطاع الصيدلي ويتأكد إن المناهج الدراسية:
مبنية على أسس علمية واضحة
محدثة باستمرار
متوافقة مع احتياجات سوق العمل
لأن قوة التعليم تبدأ من برنامج أكاديمي قوي وواضح!
يعني إيه المعايير الأكاديمية المرجعية (NARS)؟
هي معايير مرجعية بتحدد الحد الأدنى من:
المعرفة العلمية الأساسية — تجمع بين العلوم الصيدلية والطبية والتحليلية.
الممارسة المهنية والأخلاقية — احترام أخلاقيات المهنة والعمل ضمن فريق صحي.
الرعاية الصيدلية — تقديم خدمات الرعاية الصحية والمشورة الدوائية.
المهارات الشخصية — العمل الجماعي، حل المشكلات، التفكير النقدي، والتطور الذاتي.
اللي لازم يمتلكها خريج كلية الصيدلة، عشان يقدر يشتغل بكفاءة ويواجه تحديات سوق العمل.
الخلاصة:
المعايير الأكاديمية المرجعية (NARS) هي دليلك خلال رحلتك الجامعية لتتخرج صيدلي مؤهل قادر يطبق العلم والمهنة ويكون جاهز لسوق العمل.
هل أنا كطالب فعلاً بشوف المعايير الأكاديمية المرجعية (NARS)؟
أكيد!
كل مقرر دراسي بيكون موضح فيه إيه هي المهارات والمعارف اللي هتكتسبها من خلاله، وده بيظهر في:
توصيف المقرر — اللي بيكون متاح في بداية الكتاب الإلكتروني
وكمان بيتم عرضه ومناقشته معاك في أول محاضرة من المقرر
يعني… المعايير مش مجرد كلام على الورق، دي جزء من خطتك الدراسية وبتقيس تقدمك وتطورك في كل مادة.